27 авг. 2011 г.

Basdırılmış foto

25-ci kadr jurnalı
Heç kimin inana bilməyəcəyi bir iş görüldü. Bəli, 4-5 fotoqrafın ərsəyə gətirdiyi 25-ci kadr jurnalını nəzərdə tuturam. Çox adam bu işın alınmayacağına inanırdı. Amma elə olmadı, bütün kollektiv tam güclə çalışdı və jurnalı hazır elədi.


Açığı alternativ jurnalların yaranması inkişafdan xəbər verir. Bu jurnal digərlərindən tam fərqli olacaq. Tərifləmək məqsədilə demirəm. Amma bu günə qədər belə jurnal olmayıb, ondan ilk nömrəsi üçün olduqca əziyyətli oldu. Və bu Azərbaycanda ilk nəzəri və praktik fotoqrafiya sahəsində olan jurnal olacaq. Daha aktual, daha maraqlı yazı və fotolar yer alacaq. Ən aşağısı basdırılmış foto sənətini qəbrdən çıxartmaq mümkün olacaq. Gerisi oxucuların öhdəsinə buraxılacaq.

Hamı çox gözəl bilir ki, foto, bir düyməni basmaqdan ibarət deyil. Çəkdiyin fotonu hər kəs görür. Bir çox adam da fotoya baxıb xəbəri oxuyur. Foto nə qədər maraqlı olsa yazı bir o qədər effektli alınır. Odur 40 səhifəlik jurnalda fotolar maraqlı olduğu qədər də yazılar da maraqlıdır. Çətini cəhd edib başlamaq idi, hər ikisini etdik, başladıq...

p.s FB eventi: 25-ci kadr jurnalına abunə olaq




Комментариев нет:

Отправить комментарий