Rafiq Tağıdan bir işarə

Yadımdadır mən uşaqlıqda xəstə olanda bizə həkim gələrdi. Biləndə ki, həkim mənə iynə vuracaq dəli olurdum. Hətta bir dəfə həkim mənə iynə vuranda dözməyib həkimə "qəhbə balası" demişdim. Anlamırdım ki, həkim mənim sağlamlığım üçün çalışır. Nə isə, hər halda uşaq idim. Zaman keçdikcə həkin nə qədər dəyərli insan olduğunu anladım.

Rafiq Tağı ziyalı olmaqla yanaşı həm də həkim idi. Bir çox xəstərlərə şəfa vermişdi. Odur o, cəmiyyətin xəstəliyini bilib, onu sağaltmağa çalışırdı. Çox cəhd elədi amma barmağını cəmiyyətin "həssas yarasına" basdı ki, bəlkə düzələr. Savadsız cəmiyyət də onu bu cür cəzalandırdı.

İntiqam alan Allaha şükürlərimizi bildiririk ki, onun intiqamı qeyrətli müsəlman kişilərin əli ilə gerçəkləşdirildi və islam peyğəmbərini, eləcə də islam müqəddəslərini təhqir edən bir xəbis şəxsi cəhənnəmə yolladı...

Doğurdan da dəhşətli mənzərədir.  Azərbaycana ayağı dəyməyən hansısa Ayətullah başqa yerdən oturub fətva verir. Burdakılar da o Ayətullahın hansı yuvanın quşu olduğunu bilməyib ona inanırlar.  Dəhşətdir!! Bəs ağıl? Bəs savad? Bunlar harda qaldı?

Rafiq Tağı kimi adamın yenidən dünyaya gəlməsi üçün bəlkə neçə illər lazım olacaq. Bəlkə heç gəlməyəcəkdə. 1500 illdir bunları düzgün yola çağıranları bunlar daşla, oxla, xəncərlə öldürdülər. Səni də bıçaqla öldürdülər. Nə deyəsən, düzələn deyillər. Sadəcə arada bir ziyalı getdi.

Amma bu ziyalının getməyi digər ziyalılara bir işarə oldu...