Jurnalist Xədicə İsmayılova 7.5 il müddətinə həbs edildi (video)

Azerbaijan journalist Khadija's Ismayilova
 mother Elmira Ismatilova  talks to the media outside
Baku court  after the hearing.
 September 1, 2015Photo: Aziz Karimov

Bu gün Bakı Ağır Cinayətlər Məhkəməsi məşhur araşdırmaçı-jurnalist Xədicə İsmayılovanı 7,5 il müddətinə azadlıqdan məhrum edib.
Məhkəmə onu 179 (mənimsəmə və israf), 192 (qanunsuz sahibkarlıq), 213 (vergi ödənişindən yayınma) və 308-ci (vəzifə səlahiyyətlərindən sui-istifadə) maddələrlə təqsirli bilib. Eyni zamanda, İsmayılovaya 125-ci (özünü öldürmə həddinə çatdırma) maddə üzrə bəraət verilib. Bir müddət əvvəl prokuror məhkəmədən İsmayılovanı 9 il müddətinə azadlıqdan məhrum etməyi istəmişdi. Yerli və beynəlxalq hüquq müdafiə təşkilatları əmindirlər ki, İsmayılovaya qarşı cinayət ittihamları uydurmadır və onun hakimiyyətin ali eşelonlarında korrusiya faktlarına dair jurnalist araşdırmaları ilə bağlıdır.