İslami sosial şəbəkə yoxsa 3-cü Dünya Müharibəsi?

foto: timesofummah.com

Facebookda “İslami Facebook” açılır başlıqlı yazı gördüm. Adına görə xəbəri oxudum. Oxuyandan sonra paylaşmaq qərarına gəldim. Amma gördüm ki, status o qədər uzun oldu ki, dedim ondansa bir bloq yazım...


Həqiqətən düşünürəm bu sosial şəbəkə facebook-u keçəcək. Təsəvvür edin, islami sosial şəbəkə yaradılır bütün dünyada da olan müsəlmanlar, dindarlar hətta ateistlər belə bura axışıb gələcək. Maraqlısı o olacaq ki, şiyələr deyəcək İmam Əli filan şeyi deyib, sünnilər deyəcək Hz. Əli elə yox belə deyib. Ateistlər deyəcək özünüzə gəlin, öz həyatınız üçün yaşayın. Biri Lənkəranidən, Xamneidən sitat gətirəcək, o birisi Buxaridən. Öz aralarında başlayacaqlar çaxnaşma salmağa. O deyəcək, bu deyəcək.

Biri bir status yazılacaq, 5985 şərh gələcək. Hələ bu harasıdır. Xiristiyanlar girib yazsa İsa Allahın oğludur. Onda nə baş verəcək? Müsəlmanlar, xristiyanlar, ateistlər...

foto: metro.co.uk

Hələ bu sosial şəbəkədə müxtəlif dillərdə elektron kitabxana, on line-təhsil, online fətva, on line-İslam ensiklopediyası, on line-seminarlar, on line-oyunlar, videolar, həcc və ümrə bələdçisi, oyun formatında tədris proqramları, uşaqlar üçün bölmə və bir çox digər bölmələr də fəaliyyət göstərəcək.

Bundan sonra kim qaydaları pozsa "məyyən dini liderlər" online fətva verəcək. Yazıq Tağı Əhmədov elə düz deyirdi "elə danışırsız belə çox gülməli"