Barmaqsız rəssam

Şəmsəddin Əliyev 2008-ci ildə işlədiyi bir müəssisədə iki barmağını itirib.

Ancaq bu məhrumiyyət fırça tutmasına mane olmur.12 ilə yaxındır çəkdiyi rəsmlərin hesabına dolanır.


İşə Türkiyənin İzmir şəhərində rəngsazlıqla başlayıb.

Türkiyədə Universitetlərin birində təklif olunan işə razı olmayan Şəmsəddin Əliyev 2002-ci ildə Bakıya qayıdır.Amma Bakıya gəlməklə bütün arzuları məhv olur.

Rəssamlar İttifaqına qəbul olunmaq istəsə də, çoxlu sənədlərin tələb olunması onu bu fikirdən döndərir.
Sərgi üçün icarə haqqının çox olması, rəssamın fərdi sərgi keçirməsinə imkan vermir.Odur ki rəssam, çörək pulu qazanmaq üçün şəxsi portretlər çəkməyə başlayır.

Hazırda bir xeyirxahın ona ayırdığı bir otaqda çalışır.Şəmsəddin müəllim ümid edir ki, nə vaxtsa onun da bir emalatxanası və illər ərzində çəkdiyi unikal əsərlərin sərgisi olacaq.

Mənbə: BBC Azərbaycanca