Bakcell-in hayasızlığı

Kollaj: By Aziz KA

Türkiyə mağazalarının birində qabaqcadan elan edirlər ki, filan gün gecə saat 12-dən 1-ə kimi yalnız 1 saat kim bizim mağazadan 300-400 dollarlıq italyan kostyumu alsa, həmin kostyumların qiyməti 300-400 yox, cəmi 10 lirə olacaq. Yalnız bir gün, yalnız bir saat!



Həmin saatda biçarə millət tökülüşür dükanın qarşısına, bir-birinin başını yara-yara bahalı kostyumu 10 lirəyə almağa çalışır.

Səhəri gün televiziyalar xəbər yayır ki, gecə filan qədər adam yaralanıb. Bu bir balaca vicdanı olan adamın qəllbini parçalayan durumdur.

İndi bizim Bakcell də bu yolu tutub. Kasıbları ələ salmaq üçün bundan yaxşı şey fikirləşmək olmazdı (olardısa da, bundan sonra yenə Bakcell özü fikirləşəcək).

“CİN abunəçiləri cəmi 500 kontur müqabilində gündəlik 60 dəqiqə və ya bir saat şəbəkədaxili danışıq vaxtı əldə edə biləcəklər. 60 dəqiqəlik danışıq vaxtı yalnız bir gün ərzində etibarlıdır və kampaniyaya qoşulduğu andan həmin gün gecə saat 00:00-a qədər istifadə oluna bilər.”

Son zamanlar isə Bakcell-in zəiflədiyi, sağlam mobil bazarında mübarizə apara bilməməsinin nəticəsidir ki, lazımsız yerə istəfadəçilərdən kontur çıxartmaq, rouminq danışıqlarında səhv yönləndirmələrə yol verməsinə gətirib çıxardır.